نهار لعيد

محمد بوبكر · موضوع: نهار لعيد الإثنين مارس 09, 2009 10:28 pm

دازت تلاتين من عمري...وهادَ عيد الميلاد
وشكون يهتم ليك أمري...شكون يقرّب لْبعاد
قبلها شبتْ في صغري...بحالي يهجرو لبلاد
زيد فزيادك عمري...راني زايد هوّاد
دموعي وصلات صدري...تجري سابقَ دْ لواد
كييْتي معشتْ صغري...عاد لماجي يتقاد!
لهموم فعروقي تجري...عندها فصدري ميعاد
راني صابر ونداري...وليوم عيد لميلاد
...
دازت تلاتين زربانَ...تعاند زهري لكحل
كانت يّامي محزانَ...ليوم لبارح وقبل
مالكي معاي زعفانَ...مالي وحدي نحصل
حلامي أنا مزيانَ...بلخير بغيت نوصل
مالكي هاكدَ غضبانَ...وتقول لقيت لحل
شفتْ من عمري سيمانَ...هاكداك راني نعقل
...
دازت تلاتين فقْياسي...وحاولت ننسى ماكان
مزال نحلم ونواسي...يمكن يمكن تزيان
راني نونس في راسي...راني نتلّف لحزن
راني نسلّك يا راسي...ونير كلامي ميزان
نحاول نكتم إحساسي...نغني شويَّ بلحان
ماختاريتش نضل نقاسي...وراني نهدر بمعان