حـــــــــــــابــــة
حابة
اوليدات الغابة..
كلهم كذابة
غصابة، نصابة..
حابة

تسالى الكلام معاهم..
ما بقا جلاس حداهم.
حابة.
شفرو الصابة...
قالوا " الكاس والخلاص.. وبيناتكم مع بابا "
حابة..

الصابة.. ومن زينها صابة
كلاوها..
و عراونا..
رباعة الكذابة، الكسابة.
حابة.

حسبونا خرفان..
فينا باعوا و شراو
باعوا الما .. باعوا الضو.
حابة..

فينكم يا الحسابة؟؟؟
شوفوا فين هو...
رزق جدي وبابا.
حابة.

كذا وثلاثين..
مجبدين، مجبهين..
بالخبز و اتاي عايشين.
حابة..

و هما كلاو الصابة..
و مين زينها ..صابة
حابة.

وقولوا لي يا الحسابة
واش هاذ المذلة..
كانت علينا..
مكتابة..
حابة..
او دابا تجي ساعة الحق ..
و تزول الضبابة.. دابا..

و يتفضحوا الكذابة.
اللعابة،
الغصابة،
النصابة،
الكسابة...
حـــــــــــــابــــة

برشلونة.14-05-2006